ፍትሕን እና እውነትን ከወያኔ መጠበቅ ለትግሉ መስዋእትነት በሚከፍሉ ታጋዮች ላይ ማሾፍ ነው::

ፍትሕን እና እውነትን ከወያኔ መጠበቅ ለትግሉ መስዋእትነት በሚከፍሉ ታጋዮች ላይ ማሾፍ ነው::
‪#‎Ethiopia‬ ‪#‎RIPSamuelaweke‬ ‪#‎Blueparty‬ ‪#‎Miniliksalsawi‬ ‪#‎Freedom‬ ‪#‎Assassination‬
 
Minilik Salsawi (ምንሊክ ሳልሳዊ) ወያኔ ግድያውን በመካድ ከስራ ጉዳይ ጋር የተገናኘ የግል ጸብ ላይ በመሳበብ እና ሟች በሕይወት እስክቆየበት ድረስ ምንም አይነት ችግር እንዳልደረሰበት እና ደረሰበኝ ብሎም አለማስታወቁን በይፋ ክዷል::እንዲህ አይነት ወያኔያዊ ውሸት እና ማጭበርበር ክህደት የተለመደ እና የስርአቱ መገለጫዎች መሆናቸው የታወቀ ጉዳይ ነው::ባለቤቱ በራሱ አስቀድሞ የተናገረውን ወያኔዎች እናንተን ማን አምኖ ለሽወዳ ታቆበቁባላቹ?ሟች ወጣት ሳሙኤል አወቀ ከመሞቱ ቀድሞ እጅግ ብዛት ያላቸው ጽሁፎችን ከትቧል ከነዚም መሃል "የፍትህ ስርአቱ ፍትህ ያስፈልገዋል::" እና የመጨረሻው ኑዛዜያዊ ጽሁፉ ተጠቃሽ ናቸው::ሟች በተለያየ ጊዜ ዛቻ እስር ድብደባ እና ማንገላታት እንደሚደረግበት የሃሰት ክስ እየተፈጠረበት እንደሆነ በይፋ በተለያዩ ሚዲያዎች ከአንደበቱ እና ከጽሁፉ የሰማነው ያነበበንው ሃቅ ነው::ሃቅን ደብቆ መዝለቅም ሆነ መኖር የማይቻልበት የነቃ ትውልድ እና የረቀቀ ቴክኖሎጂ መካከል እየተጓዝን መሆናችንን ማናችንም መርሳት የለብንም::

ሟች ሳሙኤል ከመሞቱ አስራ አምስት ቀን ቀደም ብሎ የጻፈው ማስታወሻ እንደሚያስረዳው ".... ብአዴን / ኢሕአዴግ ድምፅ መቀማቱ ሳያንስ በ21/08/2007 ዓም አፍነው ደብድበው ከሞት መትረፌ ቆጭቷቸው እሰር ቤት ለመወርወር ያለመከሰስ መብቴን እንኳን ተዳፍረው የሀሰት ክሰ እየፈጠሩ ነው!!!" በስልኬ እደተደወለም ያለፍላጎቴ ደሕንነት እያስገደደኝ ይገኛል!!!!! ተገደልሁም ታሠርሁም ፤ ታፈንኩም ነፃነት አይቀርም እና ለማሰረጃነት የደሕንነቶችን ስም፤ ፎቶግራፍ ፤ እና አድራሻ እንዲሁም በሐሠት ምሰክርነት እና ከሳሽነት የተደራጁ አካላት እና ዋና ተወካዮች የደብረማርቆስ ከተማ 04 ቀበሌ አመራሮች እና ፖሊስ ለታሪክ አሰመዘግባለሁ..በማለት መጭውን ጊዜ ከመናገሩም በላይ ከአመት በፊት የደብረማርቆስ ፖሊስ አዛዥ ቢሮው ጠርቶት በቁጣ እንገድልሃለን የሰማያዊ ፓርቲ አባልነትህን የማታቋርጥ ከሆነ አንተን ማስደፋት ቀላል ነው!ብሎ እንደዛተበት ተናግሯል::ይህ እየሆነ ያለበት ጉዳይ እያለ መንግስታዊ ሽብር በተስፋፋበት ኢትዮጵያ የተቃዋሚ ፓርቲ አባላትን እየገድሉ በግል ጸብ ማሳበብ ከተጠያቂነት እንደማያስመልጥ ሊታወቅ ይገባል::

የሟች ሳሙኤልን ግድያ ተከትሎ የወያኔን ክህደት አስታኮ አንዳንድ ራሳቸውን ከሚዛናዊነት የፈረጁ ተላላኪዎች አይሏቸው አካላቶች የሟች ግድያ ተጣርቶ ገዳዮች ለፍርድ እንዲቀርቡ ፍትሕ ለሳሙኤል የሚሉ ምን ያህል ፍትሕ በተቀበረበት አገር ላይ ሆነው ራሳቸውን እያጭበረበሩ መሆኑን አልተረዱትም::ፍትሕን ከወያኔ መጠበቅ ለትግሉ መስእዋትነት በሚከፍሉ ታጋዮች ላይ ማሾፍ ነው::ሜች ሳሙኤል እንዳለው ወያኔ ዳኞችን እና ሕጎችን በምቾት አስቀምጦ ሕዝቡን እያስለቀሰ የሕግ የበላይነት እያለ ያደነቁረናል:: ይህ የሚያሳየው የሕግ ሰው የሆነው ሳሙኤል የፍትህ ስርአቱ ፍትህ እንደሚያስፈልገው ቁልጭ አድርጎ ያስቀምጣል::ይህ ከሆነ ታዲያ የፖለቲካ ስርአቱ ለሚያጠፋቸው ሰዎች ፍትህ ብሎ የሚመኝ ሰው እንዴት ከእሳት ቤት ውሃ ይጠብቃል? የአሰፋ ማሩ ግድያን ማስታወስ የሌሎችንም ግድያ ማሰብ አስፈላጊ ነው::ማነው ፍትህ ያገኘ? ይህ የሕወሓት ደባ በአደባባይ ማንም የሚያውቀው ነው::ስርአቱ ወንጀለኛ አሸባሪ እና ወንበዴ ነው::ከወንበዴ እና ከአሸባሪ መንግስት ደሞ ማንም ፍትህ አይጠብቅም::ጅራፍ ራሱ ገርፎ ራሱ ይጮሃል እንደሚባለ ወያኔ ራሱ ገሎ ራሱ አብሮ ለቅሶ ይቀመጣል::ጩኸቴን ቀሙኝ አይነት ማለት ነው::ስለዚህ ከወያኔ ፍትህን ከመጠበቅ ሟች ሳሙኤል ትግሌን አደራ እንዳለው ኑዛዜውን እንደጠበቅን መገደሉ ለኛ የሚያስተምረንን አውቀን ለነጻነታችን መሞት ብቻ ሳይሆን እየገደሉ እስከ ድል ድረስ መገስገስ አስፈላጊ ነው::