የመዲናችን ጉድ ወሲብ፣ የእራቁት ዳንስ፣ ግብረሰዶማዊነት፣ የአደገኛ ዕፆች ንግድና ዝውውር! በመስከረም አያሌው

የመዲናችን ጉድ
ወሲብ፣ የእራቁት ዳንስ፣ ግብረሰዶማዊነት፣ የአደገኛ ዕፆች ንግድና ዝውውር!
በመስከረም አያሌው
ሁልጊዜም አዳዲስ ነገሮችን ለመቀበል ፈጣን የሆነችው መዲናችን አዲስ አበባ፤ ከቅርብ ጊዜ ወዲህ ደግሞ ከኢትዮጵያዊነት ባፈነገጡ የባእድ ባህሎችና ልማዶች እየተናጠች መሆኑን አንድ ጥናት ከሰሞኑ አስነብቧል። የአዲስ አበባ ከተማ አስተዳደር የሴቶች፣ ህፃናትና ወጣቶች ቢሮ ‘‘መጤ ባህሎችና ልማዳዊ ድርጊቶች በአዲስ አበባ ከተማ ነዋሪዎች በተለይም በወጣቶችና ሴቶች ላይ እያስከተሉት ያለው አሉታዊ ተፅእኖ’’ በሚል ርእስ ያካሄደው ጥናት እንደሚያመለክተው ከሆነ መዲናችን በአሁኑ ወቅት አስደንጋጭ በሆነ ባእድ ልማዳዊ ድርጊቶች ተጥለቅልቃለች።
ከአጠቃላይ የአዲስ አበባ ነዋሪ (2ሚሊዮን 739 ሺ 551) መካከል 1ሚሊዮን 434 ሺህ 164 (52.4 በመቶ)ዎቹ ሴቶች፣1ሚሊዮን 305ሺ 387ቱ (47.6 በመቶ)ዎቹ ደግሞ ወንዶች መሆናቸውን የገለፀው ጥናቱ፤ ከዚህ ውስጥም 1ሚሊዮን 972 ሺህ 476 (77በመቶ)ዎቹ ሴቶችና ወጣቶች እንደሆኑ አስቀምጧል። ይህን ያህል ቁጥር ካላቸው ሴቶች እና ወጣቶች መካከልም አብዛኞቹ ለእነዚህ መጤ ባህሎችና ልማዳዊ ድርጊቶች የተጋለጡ እንደሆኑ ጥናቱ አመልክቷል። ሴቶቹ እና ወጣቶቹ አውቀውም ይሁን ሳያውቁ የገቡባቸው እነዚህ ከኢትዮጵያዊነት ያፈነገጡ ድርጊቶች አይነተ ብዙ ከመሆናቸውም በላይ፣ ከግለሰብ አልፈው በሀገር አቀፍ ደረጃ ከፍተኛ አሉታዊ ተፅእኖ እየፈጠሩ እንደሆነ ተገልጿል።

የቀን፣ የሌሊትና የእርቃን ጭፈራ ቤቶች
ጥናቱ በተለያየ ዘዴ ከአዲስ አበባ ነዋሪዎች አገኘሁት ባለው መረጃ፣ በአዲስ አበባ ውስጥ ከተለመደው ድርጊት ባፈነገጠ መልኩ የግለሰባዊ ስብእናና ክብርን የሚፈታተኑ፣ እንዲሁም የኢትዮጵያዊነትን እሴቶች የሚያዋርዱ የእርቃን ጭፈራ ቤቶች በአዲስ አበባ ውስጥ በመስፋፋት ላይ ናቸው። የእነዚህ ቤቶች ተጠቃሚዎችም ከልጅ እስከ አዋቂ የሚደርሱ ሲሆን፣ ወደ እርቃን ጭፈራ ቤቶቹ የሚመጡትም በቡድን በመሆን እንደሆነ ተገልጿል። በእነዚህ የእርቃን ጭፈራ ቤቶቹ ውስጥ ከእርቃን ዳንስ በተጨማሪም ጫትና ሌሎች እፆች ጥቅም ላይ እንደሚውሉ የተገለፀ ሲሆን፤ እነዚህን እፆች የሚጠቀሙትም አዋቂ ወንዶች ከታዳጊ ሴት ልጆች ጋር እንደሆነ፤ ይህን የእርቃን ጭፈራ ቤት እንደ መዝናኛነት የሚጠቀሙ 102 ተሳታፊዎች ገልፀዋል። በእነዚህ ቤቶች ውስጥ የሚሰሩ የመድረክ ተወዛዋዦችም በአብዛኛው ለውዝዋዜ የሚጠቀሙባቸው አልባሳት ባህልን ያልጠበቁ እና ወሲብ ቀስቃሽ በመሆናቸው ወንዶችን ለወሲብ እንደሚገፋፉ ነው ተሳታፊዎች የገለፁት።
በእነዚህ የእርቃን ጭፈራ ቤቶች የሚታደሙ ሰዎችን በተመለከተም ጥናቱ አንድ ያልተጠበቀ ነገር ይፋ አድርጓል። በጭፈራ ቤቶቹ አካባቢ ከቆሙ ተሽከርካሪዎች በተገኘ መረጃ ብቻ ተሽከርካሪዎቹ የለጠፉት ታርጋ የዲፕሎማት እና የእርዳታ ድርጅት ሲሆኑ ከፍተኛውን ቁጥር የሚይዙት ግን የግል፣ የመንግስትና የንግድ ታርጋ ያላቸው አውቶሞቢሎች ናቸው። ከዚህ በተጨማሪም ወደ ቦታው መጥተው ‘‘መዝናናት’’ ያልቻሉ አሊያም ያልፈለጉ ታዋቂ ግለሰቦች፣ መንግስታዊ የሆነ እና መንግስታዊ ያልሆነ ድርጅት ሰራተኛ እና ኃላፊዎች፣ በንግድ ስራ የተሰማሩ ግለሰቦች እና የውጭ ዲፕሎማቶች ጨፋሪዎቹን ቤታቸው ድረስ በማስጠራት አገልግሎቱን እንደሚያገኙ ዳናሾቹ ከሰጡት መረጃ ለመረዳት ተችሏል። በአጠቃላይ ሲታይም በመንግሥት የኃላፊነት ቦታ ላይ የሚገኙ እና በማኀበረሰቡ ዘንድ ከፍተኛ ግምት የሚሰጣቸው ባለሥልጣናት እንዲሁም በኢኮኖሚው ውስጥ ከፍተኛ አስተዋፅኦ ያላቸው ባለሞያዎችና የንግድ ሰዎች የዚህ የእርቃን ዳንስ ታዳሚዎች ናቸው።
አንዲት በዚህ የእርቃን ጭፈራ ቤት ውስጥ የምትሰራ ደናሽ ክፍያ ሌሎች ጥቅማ ጥቅሞችን ሳይጨምር ከ3ሺ እስከ 14ሺ ብር እንደሚደርስ ነው የተገለፀው። በአብዛኛው ወደዚህ ‘‘ስራ’’ የሚገቡት ወጣት ሴቶችም የኢኮኖሚ አቅማቸው ዝቅ ያለና መልካም የሰውነት አቋም ያላቸው ናቸው። ከዚህ በተጨማሪም የሁለተኛ ደረጃ፣ የኮሌጅና የዩኒቨርሲቲ ተማሪዎች ትምህርታቸውን መቀጠል ሲያቅታቸው ወደዚህ ድርጊት እንደሚገቡ የተጠቀሰ ሲሆን፤ ከሞዴሊንግ ማሰልጠኛ ተቋማት የሚመረቁ ወጣቶች እና የምሽት መጠጥ ቤት አስተናጋጆችም እንዳሉበት ተገልጿል።
ከእርቃን ጭፈራው በተጓዳኝ የሚከናወኑ ወሲብ ቀስቃሽ እንቅስቃሴዎች፣ የሚጠቀሟቸው መጠጦች እና እፆች በሚሰጧቸው ድፍረት በጭፈራ ቤቶች ውስጥ የሚዝናኑ ህፃናትና ወጣቶች ለማይገቡ የወሲብ ግንኙነት እየተጋለጡ መሆኑንም ጥናቱ ገልጿል።
የተመሳሳይ ፆታ የወሲብ ግንኙት (ግብረ ሰዶማዊነት)
ይህ አይነቱ መጤ ባህል ማንኛውም የከተማው ነዋሪ ከሚገምተውና ከሚያስበው በላይ እጅግ እየተስፋፋ መምጣቱን የገለጸው ጥናቱ፤ የደርጊቱ መስፋፋትም በማህበረሰቡ ላይ ዘርፈ ብዙ ችግሮችን እያስከተለ መምጣቱን ጠቅሷል። በዚህ መጤ ድርጊት ውስጥ የሚሳተፉትም እድሜያቸው ከ15 ዓመት በታች የሆኑ ህፃናት ተማሪዎች፣ የሁለተኛና ከፍተኛ ተቋማት ተማሪዎች፣ በወሲብ ንግድ ሥራ የተሰማሩ ሰዎች እንዲሁም በማረሚያ ቤት የሚገኙ የህግ ታራሚዎች ከፍተኛውን ቁጥር ይይዛሉ።
ግብረሰዶማዊነት በከተማዋ እጅግ በመስፋፋቱ እና እየተለመደ ከመምጣቱ የተነሳ ከተመሳሳይ ፆታ ጋር በመሄድ በወሲብ ስራ የሚተዳደሩ ሰዎች እየተበራከቱ መሆኑን የድርጊቱ ተሳታፊ የሆኑ ግለሰቦች አስረድተዋል። ይህ አይነቱ ከመደበኛው እና ከተለመደው አይነት ፆታዊ ግንኙነት ወጣ ያለ ተግባር በማህበረሰቡ ላይ ስነ-ልቦናዊና ማኀበራዊ ጫና የሚፈጥር፤ እንዲሁም ተግባሩ ከእምነት፣ ከባህልና ከስነ-ምግባር አንፃር ድጋፍ የሌለው ነው።
ለየት ያሉ ተግባራት የሚፈፀሙባቸው መታሻ /ማሳጅ/ ቤቶች
ከቅርብ ጊዜ ወዲህ በመዲናችን እዚያም እዚህም ብቅ ብቅ ማለት የጀመሩት መታሻ /ማሳጅ/ ቤቶችም የተነሱበትን አላማ ስተው ከኢትዮጵያዊነት ያፈነገጠ ስራ በመስራት ላይ መሆናቸው በዚህ ጥናት ተደርሶበታል። እነዚህ መታሻ ቤቶችም ለመለየት በሚያስቸግር መልኩ መገኛቸው በመኖሪያ ቤቶች አካባቢ እንደሆነ ተደርሶበታል። አብዛኞቹ እንዲህ አይነቱን አስነዋሪ ድርጊቶች የሚፈፅሙ መታሻ ቤቶች የሚገኙት ደረጃቸውን በጠበቁ ትላልቅ የመኖሪያ ቤቶች ውስጥ ሲሆን፤ ሌሎቹ ደግሞ በትላልቅ የንግድ ህንፃዎች ላይ መሆኑ ተገልጿል። ከሁሉም በላይ የሚያስገርመው ደግሞ እነዚህ ቤቶች እንደ ማንኛውም ሥራ ፈቃድ ያላቸውና አንዳንዶቹም 24 ሰዓት የሚሰሩ መሆናቸው ነው። እነዚህ ቤቶች ታዲያ በመታሻ /ማሳጅ/ ስም ያልተገባ ወሲብና ወሲብ ነክ ድርጊቶች እንደሚፈፀምባቸው ተደርሶበታል።
ሱስ አስያዥ እፆች እና አልኮል
በእነዚህ ሱስ አስያዥ እፆች ስር ከተቀመጡት መካከል ዋና ዋናዎቹ ጫት፣ ሲጋራ፣ ሀሺሽ፣ ሺሻ እና ሄሮይን ተጠቃሽ ናቸው። ይህን እፅ እና አልኮል መጠቀም ልማዳዊ ባህል ያደረጉት በተለይ እድሜያቸው 16 እና 17 አመት በታች የሆናቸው ታዳጊ ህፃናት ሲሆኑ፣ እድሜያቸው በ25 እና 30 መካከል የሚገኙ ወጣቶች ደግሞ የማሪዋና ወይም የካናቢስ ተጠቃሚዎች ተገኝተዋል። በጥናቱ ከተሳተፉት ውስጥም 61 በመቶዎቹ የአልኮል መጠጦችን፣ 28.4 በመቶዎቹ ደግሞ አነቃቂ እፆችን ይጠቀማሉ። ከአእምሮ ህመም ጋር በተያያዘም ወደ አማኑኤል ሆስፒታል ከሚሄዱ በሽተኞች አብዛኛው ከአልኮል፣ ጫትና ሺሻ ጋር የተያያዘ መሆኑን መረጃዎች ያመለክታሉ።
ይህን መጤ ተግባር ለማጥናት 2ሺ 529 ሰዎች የተሳተፉ ሲሆን ከእነዚህ ውስጥ 1ሺ 535 61በመቶ የአልኮል መጠጥ 717 (28.4%)ቱ ደግሞ የአነቃቂ እፅ ተጠቃሚ ሆነው ተገኝተዋል። በዚህ ችግር ከፍተኛ ተጠቂ የሆኑ እድሜያቸው ከ12 እስከ 14 የሆነ ህፃናት እና ከ15 እስከ 29 ዓመት የሆነ ወጣቶች ናቸው። ከቅርብ ጊዜ ወዲህም እድሜያቸው ከ29 ዓመት በላይ የሆኑ ሴቶችም የዚህ ሱስ ተጠቂዎች እየሆኑ መጥተዋል። እነዚህ ህፃናትና ወጣቶችም ከታክሲ ተራ አስከባሪ እስከ አስመጪና ላኪ ነጋዴ፣ ከፖሊስ እስከ ከፍተኛ የመንግስት ባለስልጣን ያሉ ናቸው።
ሱስ አስያዥ እፆችን የሚጠቀሙ ሴቶችና ወጣቶችም በተፈጥሮ እና በሂደት ካዳበሩት ባህሪ ለየት ባለ መልኩ እነርሱነታቸውን በመቀየር በማህበረሰቡ የማይፈለጉ ነውር ባህሪያትን ያሳያሉ። መጠጥ የሚጠቀሙ ወጣቶች ባህሪም ዱለኛነት፣ ተደባዳቢነት፡ አጉራ ዘለልነት እንዲሁም አስገድዶ ደፋሪነት እና ህገ-ወጥ ወሲብ ፈፃሚነት እንዲሁም አዋኪነት ናቸው። በጥናቱ መሰረትም 49 በመቶዎች በቡድን ድብድብ የሚሳተፉ፣ 35.4 በመቶዎቹ በአስገድዶ መድፈር ድርጊቶች ተሳታፊዎች፣ 58.2 በመቶዎቹ በስርቆት ላይ ተሳታፊ፣ 54.2 በመቶዎች አካባቢን በማወክ ስራ ላይ ተሳታፊዎች ናቸው።
ወጣቶችና ሴቶችን ወደ መጤ ባህልና ልማዳዊ ድርጊት
የሚገፋፉ ምክንያቶች ምንድን ናቸው?
ወጣቶችና ሴቶች ወደ እነዚህ መጤ ባህልና ልማዳዊ ድርጊት ለምን ይገፋፋሉ? የሚለውን ጥያቄ ለመመለስ በተደረገ ጥናትም፣ ራሱን የቻለ ምክንያት ተቀምጧል። ከእነዚህ ምክንያቶች ውስጥም የወጣቶች የስራ ሁኔታ፣ የጓደኞቻቸው ብዛትና ባህሪይ፣ ለኢንተርኔት ያላቸው ቅርበት፣ ለብዙና ሰፊ ባህል ያላቸው ተጋላጭነት የሚሉት በአለም አቀፋዊነት ስር ተጠቃለዋል። ከዚህ በተጨማሪም የመገናኛ ብዙሃን የሚያስተላልፏቸው የሙዚቃ ፊልሞች፣ የታዋቂ ሰዎች ስብእና፣ አለባበስ፣ ባህሪ እና የአኗኗር ዘይቤም ሌላኛው ምክንያት ነው። ከቅርብ ጊዜ ወዲህ ደግሞ በኢንተርኔት፣ በስልክና በቪዲዮ ጨዋታዎችና በሌሎችም የኤሌክትሮኒክስ ሚዲያ የሚተላለፉ የብጥብጥ ፕሮግራሞች፣ የፋሽን፣ የውበትና የተቃራኒ ፆታ ፍቅር ላይ የሚለቀቁ ፅሁፎች እና መረጃዎች ለወጣቶች ወዳልተፈለገ ልማድ መግባት እንደ ምክንያት ተቀምጠዋል።
በየሀገራቱ ያለው የእፅና የአልኮል ነፃ ዝውውርም ለወጣቶችና ሴቶች ወዳልተፈለገ መንገድ መግባት ከፍተኛውን ሚና እንደሚጫወት ነው የጥናቱ ውጤት ያመለከተው። የተባበሩት መንግስታት የአደገኛ እፅ ቁጥጥር ክፍል ባደረገው ጥናት አረጋግጫለሁ እንዳለውም፤ እድሜያቸው ከ15 እስከ 29 አመት ያሉ ወጣቶች ጫት፣ ካናቢስ (ዕፀፋሪስ) እና ተዛማጅ እፆችን በማሰራጨትና በመጠቀም ዋና ተዋናይ ናቸው። በዚህም ሳቢያ ከእፅ ማዘዋወር፣ መጠቀምና ማምረት ጋር በተያያዘ የሚፈፀሙ ወንጀሎች እየተበራከቱ ይገኛሉ። በዚህም መሠረት 45.2 በመቶዎቹ የማህበረሰብ ድረ-ገፅ ተጠቃሚ በመሆናቸው፣ 21.1 በመቶዎቹ ወሲብ ነክ ምስል በመመልከት፣ 28 በመቶዎቹ በሞባይል በመላላክ እና 18 በመቶዎቹ ከኢንተርኔት እንደተመለከቱ ገልፀዋል።
ሌላው እንደምክንያት የተቀመጠው ነገር ቢኖር ኢኮኖሚያዊ ችግር ነው። ይህ ኢኮኖሚያዊ ምክንያትም ደሀ እና ሀብታም ሳይል ሁሉንም የማኀበረሰብ ክፍል ያካትታል። ከባለፀጋ ቤተሰቦች የተገኙ ወጣቶች ወደ እነዚህ ሱሶች የሚገቡት ለመዝናናት እንደሆነም ጥናቱ አመልክቷል። በዚህም መሠረት ብዙ ጊዜ የሚጠቁት አዝናኝ በሚሏቸው እፆችና ደባል ልማዳዊ ድርጊቶች ነው። በአንፃሩ ኢኮኖሚያቸው ዝቅተኛ ከሆነ ቤተሰብ የተገኙ ወጣቶች ወደ እነዚህ ሱሶች የሚገቡት በማህበረሰቡ ዘንድ ተቀባይነት እንደሌላቸው በማሰብ ራሳቸውን ከማህበረሰቡ ለማግለል በመፈለግ እንደሆነ ተቀምጧል። በጥናቱ እንደተረጋገጠውም ከተሳታፊዎቹ 68 በመቶዎቹ በገቢ ምንጭ ማነስ ምክንያት፣ 47.1 በመቶዎቹ ስራ በማጣት፣ 68 በመቶዎቹ ደግሞ ተጨማሪ የገቢ ምንጭ ለማግኘት ሲሉ ወደ እነዚህ አላስፈላጊ መጤ ልማዳዊ ድርጊቶች ይገባሉ።
በመዲናችን አላስፈላጊ ድርጊቶች መፈፀሚያ ቦታዎች መስፋፋታቸውም ሌላው ምክንያት ነው። በጥናቱ የተሳተፉ ግለሰቦች እንደገለፁትም፤ 31.4 በመቶዎቹ ከጫትና ሺሻ ቤቶች፣ 50.3 በመቶዎቹ በራቁት ጭፈራ ቤቶች፣ 5.9 በመቶዎቹ የፊልም ማሳያ ቤቶች እንዲሁም 5.4 በመቶዎቹ በማሳጅ ቤቶች አማካኝነት ወደ አልባሌ ድርጊት የተገፉ ናቸው።
ሌላው ወጣቶች እና ሴቶችን ወደ መጤ ልማዳዊ ድርጊቶች ይገፋፋል ተብሎ የተቀመጠው ምክንያት ደግሞ ማህበራዊ ምክንያት ነው። በዚህ ምክንያት ውስጥ የተካተቱት የወጣቶች አለመማር፣ ስራ ማጣት፣ የቤተሰብ ቁጥጥር መላላት እና ማህበራዊ መስተጋብር አለመመጣጠን ናቸው። በመሆኑም ወደዚህ አላስፈላጊ ድርጊት ከገቡት ውስጥ 80.1 በመቶ የሚሆኑን ከአቻ ጓደኛ ግፊት፣ 52.5 በመቶዎቹ በቤተሰብ መፍረስ፣ 46.3 በመቶዎቹ በቤተሰብ የእፅና አልኮል ተጠቃሚነት ምክንያት ወደ ተግባሩ ገብተዋል።
(ይህ ጹሑፍ በሰንደቅ ጋዜጣ ታትሞ ለንባብ የበቃ ነው)

ሻዕቢያና ወያኔ አንድ ላይ ነው እንዴ ስብሰባ የተቀመጡት ?

ሻዕቢያና ወያኔ አንድ ላይ ነው እንዴ ስብሰባ የተቀመጡት ?

የመቀሌው ስብሰባ መራዘም ሲገርመን የሻዕቢያ ሰወች በመቀሌ ሆቴሎች መታየት ፤ አይቶ ኢሳያስም በትግሪኛ ንግግራቸው ጫፉን ተንፍሰዋል ፤ ድርድሩ ወደ ስምምነት መቃረቡ ወያኔን ከሞት እንደማያድን መናገር ይቻላል ።

አንቀጽ 39ን ለመተግበር ቅድመ ሁኔታ የሚያመቻች ኮሚቴ በደህንነቱ ሹም መሪነት መዋቀሩም ሌላው የመቀሌ ምንጮች ጥቆማ ነው ፤ የፖለቲካ ለውጥ ማምጣት ራስን መግደል ነው ብሎ የሚያስበው ወያኔ መጭውን የኢትዮጵያ ሕዝብ እድል በደም ለማጨቅየት ቅጥረኞቹን እያሰራ ነው ።

ራሱ ባቋቋመው የፌዴራል ስርዓት ውስጥ የተፈበረከው የሱማሌ ክልልም የፌዴራል መንግስት ተብየውን ሞልጮታል ፤ ቀጣዩ ጥያቄ የሱማሌ ክልል አንቀጽ 39 ነው ፤ ከዛ በፊት በክልሉ ያሉትን ሌሎች ብሔሮች አባሮ እንዲጨርስ ተነግሮታል ፤ ይህንንም ማስተባበር የሕወሓት ስራ ነው ።

ከኦሕዴድ ይልቅ የዲያስፖራ ኦሮሞ አክቲቪስቶችን ከነሚዲያቸው ማጠናከር ተመራጭ ሆኗል ፤ ይህ ደግሞ አባዱላ ሚኒሶታ ድረስ ሔዶ የጀመረውን ለማስጨረስ ስልጣኑን ለቋል ። አገሪቷ በግጭት እንድትተራመስ መቀሌ ላይ ሴራ እየተነደፈ ነው ። የበሉባትን ቱጃር የሆኑበትን ምድር አኬልዳማ ለማድረግ ሲያሴሩ በገዛ ተንኮላቸው ተጠልፈው መውደቃቸው የማይቀር ሐቅ ነው ፤ ውደድም ጥላ እውነቱ ይህ ነው ። #MinilikSalsawi

የሕወሓት ጥልቅ ተሓድሶ :- የአዲስ አበባና የመቀሌ ኣንጃ የሚባል ቃል የተቃዋሚን ጆሮ ለማደንቆር የተሰራ ሴራ ነው። TPLF Reform is Lie

የሕወሓት ጥልቅ ተሓድሶ :- የአዲስ አበባና የመቀሌ ኣንጃ የሚባል ቃል የተቃዋሚን ጆሮ ለማደንቆር የተሰራ ሴራ ነው።




Minilik Salsawi (ምንሊክ ሳልሳዊ) - ሕወሓቶች ጓዳዊና ድርጅታዊ ፍቅራቸው ኣይጣል ነው። በኣደባባይ የተባሉ ይመስላሉ እንጂ ውስጥ ውስጡን ግን ከፍተኛ የሆነ የፖለቲካ ዲሲፕሊን እና መደማመጥ ኣላቸው። በደጅ በሚነዙት ፕሮፓጋንዳ ሕወሓት እንዳበቃላት እንደፈረሰች እንደተከፋፈለች ተደሮ የሕዝብን ስሜት ለመሳብ የሚደረጉ ውሸቶች የውስጥ እውነታውን ይደብቁታል ኣደባባይ ላይ ከፍተኛ የሆነ የፖለቲካ ኣስመሳይነት ሲታይባቸው የውስጥ ጥንካሬን ግን በተርታ ሰንሰለት እየገነቡት ይጓዛሉ።

በቅርቡ በኣማራ ክልል እና በትግራይ ክልል መካከል የሚደረገው የድንበር እና የማንኔት ጥያቄ ፍጥጫዎች ኣቶ ኣባይ ወልዱንና ኣቶ ደጉ ኣንዳርጋቸውን ሲወነጃጅሉ የከረሙት የወያኔ ፕሮፓጋንዲስቶች ስራቸውን ኣጠናቀው ኣዲስ የፕሮፓጋንዳ ኣጀንዳ ለማምጣት እየሰሩ ነው። በመቀሌ እና በባህር ዳር የተካሄደው የፓርቲዎች ግምገማ ተጠናቆ (ችግሮች ?) በሰላም እንደተፈቱ እየሰማን ሲሆን ምን ያህል በሕዝብ ትከሻ ላይ ኣምባገኖች እየዘለሉ እንደሚገኙ የመሰከረ ግምገማ ነበር። በዋናነት የሚነኩትና የሚወገዱት የብአዴን ካድሬዎች ሲሆን ሕወሓት በግምገማዋ ተማምላ እንጂ ተጣልታ ኣልተለያየችም።

በራሳችን የሰጡንን ኣጀንዳ ተከትለን በፈጠርነው የሕወሓት የኣዲስ ኣበባ ኣንጃና የመቀሌ ኣንጃ ንትርኩ በሰላም ተፈቶ ኣባይ ወልዱ ከስልጣን ኣልወርድም ብሎ ምናምን በሚል የደጅ ፕሮፓጋንዳ የውስጥ መሃላ የሕወሓት ግምገማ ተጠናቋል። ለማን ደስ ይበለው ብለን ነው ኣባይ ወልዱን የምናባርረው የሚል ውሳኔ ጸድቋል። ለዚህ ደጋፊ የሚሆን ፕሮፓጋንዳ ደሞ የፌዴራሉ ሕወሓት ኣፍሮ መመለሱ እንዲደሰኮር ተደርጓል። ሕወሓቶችን ማመን ቀብሮ ነው። በኣደባባይ በተላላኪዎቻቸው የሚያስነዙት ፕሮፓጋንዳና በጓዳ የሚሰሩት የፖለቲካ ሴራ የተለያየ ነው።ከሕወሓት ውስጥ ማንም ኣይወገድም ከስልጣን ኣይነሳም።የኣዲስ ኣበባና የመቀሌ ኣንጃ የሚባል ቃል የተቃዋሚን ጆሮ ለማደንቆር የተሰራ ሴራ ነው። #ምንሊክሳልሳዊ

ሳይቃጠል በቅጠል ሊታሰብበት የሚገባ እውነታ - የጋራ ሃገራዊ ዲሞክራቲክ ኣጅንዳ ::

ሳይቃጠል በቅጠል ሊታሰብበት የሚገባ እውነታ
ዘረኝነቱ ይራገባል! ይራገባል! ይራገባል! የጋራ ሃገራዊ ዲሞክራቲክ ኣጅንዳ የለም ሁሉም እኔ ኣውቅልሃለሁ እያለ ነው ሰዎችን ማዋረድና መሳደብ ፋሽን ተደርጎ ተይዟል። የማግለል የጥላቻና የፍረጃ ፖለቲካ ስለተስፋፋ የለውጥ ሃይሉን በኣንድነት ሰብስቦ የሚያታግል ጠፍቷል።በማይረባ ኣጀንዳ ላይ የሚልፈሰፈስ ጨምሯል።

መሬት ላይ ያሌለ ሃቅ በየማህበራዊ ድህረገጹ ሲፖተለክ ይሰማል።ትላንት ስለ ኢትዮጵያ ከኛ በላይ ማንም የላትም ሲሉ የነበሩ በጥቅም ተገዝተው ኢትዮጵያ ትፈረካከስ ዘንድ ዘምተዋል። ዜጎች በእኩልነት የሚኖሩባት ኢትዮጵያን ለመመስረት ከመድከም ይልቅ ለፍጅት ፖለቲካ ቅድሚያ ተሰጥቷል።ከሃገር ወዳዱ ይልቅ የመኖሪያ ፈቃድ ፈላጊው ያልበሰለ ፖለቲከኛ ሲያሞጠሙጥ ይውላል። የመኖሪያ ፈቃድ ፈላጊዎች ሕልማቸው ተሳክቶ ሲነሱ ሃገር ቤት ገብቶ ወያኔን ኮንዶሚኒየም እንዲሰጣቸው በመለመን የሚቀድማቸው ኣልተገኘም። ትግሉ ይህ ነው።

ሃሳብን በሃሳብ ከማሸነፍ ይልቅ ጸረ ኢትዮጵያ የሆኑ ሰዎችን ታግሎ ከመደምሰስ ይልቅ ፎቢያ ስር ሰዶ ነግሶ የፖለቲካ ጥላቻን ወልዷል፤ካለፈው መማር ያልቻልን የራሳችን ጠላቶች ከመኖናችንም በላይ ትግላችን ሁሉ የሞኝ ሩጫ ኣድርገነው ፍጥነታችን ባለህበት እርገጥ ሆኗል። ሊታሰብበት የሚገባ እውነታ - የጋራ ሃገራዊ ዲሞክራቲክ ኣጅንዳ :: (#ምንሊክሳልሳዊ) Minilik Salsawi - mereja.com

ወያኔ የሰጠችንን የቤት ስራ እየመነዘርን እዛው ላይ እንደፋደፋለን፤ ካለፈው ለመማር ያልቻልን የራሳችን ጠላቶች መሆናችንን እንደቀጠልን ነው::

ወያኔ የሰጠችንን የቤት ስራ እየመነዘርን እዛው ላይ እንደፋደፋለን፤ ካለፈው ለመማር ያልቻልን የራሳችን ጠላቶች መሆናችንን እንደቀጠልን ነው:: #MinilikSalsawi
Minilik Salsawi - mereja.com - ስምምነት የጎደለው ትግል ፣ መግባባት የተሳነው ፖለቲካ ፣ በጥላቻ ፖለቲካ የታጀለ ፕሮፕጋንዳ፣ ለጠላት የፖለቲካ ፍጆታ በሩን የበረገደ ጭፍን ኣስተሳሰብ፣ በድቦ የስድብ ፖለቲካ የሚያራምድ መንገኝነትን የለበሰ ባዶ ጩኸት ብዙ ማለት ይቻላል ለዲያስፖራው ፖለቲካ ። እነማን ማን እንዳደራጀቸው የነማን ግርፍ እንደሆኑ ለይተን የማናውቅ የማንነቃ ከትግል ይልቅ ኣፍ መክፈት የሚቀናን እጅግ ልንተች የምንገባ ንፋሳሞች ነን።ካለፈው ለመማር ያልቻልን የራሳችን ጠላቶች መሆናችንን እንደቀጠልን ነው፥ከወያኔ የማይለይ ኣስተሳሰብ ያነገቡ የወያኔ ግልባጮች ትላንት በእንበታትነዋለን ዛሬ ደግሞ ጥያቄው የቅኝ ግዛት ነው በሚሉ ንፋሳም ኣጀንዳዎች መላተም ሊቆም ይገባል። ብስለት በጣም ያስፈልጋል።ተዋጠልህም አልተዋጠልህም እውነቱ ይህ ነው።

በየማህበራዊ ድህረገጹና በየዌብ ሳይቱ ከማውራት መሬት ላይ ወርዶ ተገባራዊ ስራ መስራት ይጠበቃል። ኢትዮጵያን እንበታትናለን ኣሊያም ጥያቄያችን የቅኝ ግዛት ነው የሚሉ ሃይሎችን ማኮላሸት የሚቻለው ተግቶ በመስራት እንጂ በማውራት ኣይደለም። የሚገርመው ስሜታውያን በርክተዋል::ተናግረው እፎይ ብለው የሚተኙ በርካቶች ሆነዋል::ልክ ልኩን ነገርጉት ብለው ሌላውን ደሞ ለማሸማቀቅ (የሚሸማቀቅ ካገኙ) አስበው በየምናምኑ የሚንጎዳጎዱ ጊዜው ይቁጠራቸው::በነፈሰበት የሚነፍሱ ሳያገናዝቡ የሚያራግቡ የፈጠራ እሳት የሚያርገበግቡ በተገኘበት ተደናብረው እና ደንብረው ደንግጠው ለማስደንገጥ የሚርበተበቱ እንዳሉ ሁሉ ሙድ ለመያዝ የሕዝብን ጭንቀት የሚጠቀሙበት ተደምረው ሆዳም በጥቅም የሚደለሉ በጠለዟቸው ሄደው የሚቾመሱ አጀንዳ እና አቋም አልባ ሮቦት ካድሬዎችም በርካቶች ሆነዋል::

ይህ ሁላ የግንዛቤ እጥረት ነው::ያለንበትን ጊዜ እና የሚካሄዱ ትግሎችን አለመመዘን ለትግሉ አስታውጾ ለማድረግ ደፋ ቀና ከማለት ይልቅ ተደራሽነት ያሌላቸውን የክፋት ብእር አጀንዳዎችን ይዞ መክለፍለፍ ምም ውጤት የለውም::ለመድገም ያህል ካለፈው ለመማር ያልቻልን የራሳችን ጠላቶች መሆናችንን እንደቀጠልን ነው::
ወያኔ ስራዋን ትሰራለች::ጓዳ ጎድጓዳ ገበናውን ስላወቀች በተላላኪዎቿ የሚሰጠውን የቤት ስራ ለለውጥ ሃይሎች አሸክማ እሷ የውስጥ ጉዳይውን እያስተካከለች የለውጥ ሃይሎች እያሰረች እየሳደደች እየገደለች ስልጣኗን ታጠናክራለች::እና ከሚዘመሩ የሃሰት መዝሙሮች ተነስተን ወያኔ አብቅቶላታል በሚል የፕሮፓጋንዳ መደምደሚያ ላይ ትተን የሰጠችንን የቤት ስራ እየመነዘርን እዛው ላይ እንደፋደፋለን::ራሳችን ማረም የምንጀምረው መች ይሆን ?አጀንዳ የማታጣው የቤት ስራ ለለውጥ ሃይሎች ማዘጋጀት ስራዋ የሆነው ወያኔ የምታመጣው አጀንዳ እና የቤት ስራ አትኩሮት ባንሰእጠው ያላትን የፕሮፓጋንዳ ሂደት ማኮላሸት እንችላለን::

.. ኧረ በስንቱ ልበጥበጥ አለች? በሶ:: ይህንን የሚያራግቡ እና አገር ወዳዱን ርሁሩሁን ዲያስፖራ ሆዱን የሚያንቦጫብጩ አጀንዳዎች ላይ እንዲሽከረከር ማድረግ ምን ያህል የወያኔን አደገኝነት የሚያሳይ ነው::አደባባይ ላይ አተካራ ገጥሞ የለውጥ ሃይሎን በ ነው/አይደለም አተካሮ ለማናከስ ክርክሮችን ፈጥሮ አለመግባባቶች ለማስፋት የሚደረጉ ያልተጣሩ መረጃዎች እና የፈጠራ ማዘናጊያ ጽሁፎች ምን ያህል የትግሉን ወንዝ እንደሚያሻግሩን አላውቅም:;
መንገድ ዳር ሰጥሞ ለመቅረት ካልሆነ በስተቀር ወያኔያዊ የፈጠራ አጀንዳ እና መረጃ ላይ ፊት ለፊት እየነጠሩ መጠዛጠዝ የብስለት ስርቆት መካሄዱን ፍንትው አድርጎ ያሳያል::ወያኔን ለመጣል አንድ እና አንድ ነገር ያስፈልጋል ህዝብ ተስፋ የሚያስቆርጡ መረጃዎች የለውጥ ሃይሎች የእርስ በእርስ መናከስ በተገኘ አጀንዳ እንደተፈለገ ንፍስፍስ ማለት የመሳሰሉት ጉዳዮች ሊታሰብባቸው እና ሊወገዱ ይገባል::የሚመጡ መረጃዎች ሃላፊነት የሚወስድ ሰው አሊያም ሚዲያ እስካልተገኘ ድረስ አሊያም ወያኔን ወያኔ አዋረደ በሚል የዋህነት ፈሊጥ መነሳት እንዲሁም ባልበሰለ የዘረኝነት እና የመንደርተኝነት ጽሁፎች ከመቃጠል ራሳችን ማዳን እና ልብ መግዛት ይገባናል:: ሁላችንም በጋራ በሚደረጉ ትግሎች ላይ ልንረባረብ ይገባል::ትግሎችን በማስፋፋት በማስተማር እና በመቀስቀስ በመርዳት ላይ ልንሰማራ ይገባል:ብስለት ማለት ለትግል የሚደረጉ አስታውጾዎችን በማበርከት እና በተረጋገጡ አጀንዳዎች ላይ ስራ መስራት ሲቻል ብቻ ነው::እና እኔም እላለሁ ያለንበት ጊዜ በተገኘው አጀንዳ ላይ የሚነፈስበት ሳይሆን ብስለት የሚጠየቅበት ጊዜ ነው:: ‪#ምንሊክሳልሳዊ
በየማህበራዊ ድህረገጹና በየዌብ ሳይቱ ከማውራት መሬት ላይ ወርዶ ተገባራዊ ስራ መስራት ይጠበቃል። ተዋጠልህም አልተዋጠልህም እውነቱ ይህ ነው።

የምንሄድበት መንገድ ያሳፍራል ያሳዝናል!!! የሕወሓት ቅልብ ዘረኞች ለለውጥ የሚደረገውን ትግል እያመሱ ነው::(ምንሊክ ሳልሳዊ)

የምንሄድበት መንገድ ያሳፍራል ያሳዝናል!!! የሕወሓት ቅልብ ዘረኞች ለለውጥ የሚደረገውን ትግል እያመሱ ነው::(ምንሊክ ሳልሳዊ)

ሕወሓት የሚዘውረው የሚመራው አገዛዝ ይህን አደረገ ይህን አደረገ ዘረፈ ሰቀለ ገለፈ አሰረ ገደለ አሳደደ ወዘተ የሚሉ እኩይ ተግባራቱ ብንዘረዝረው አያልቅም ከዚህ ይልቅ አሁን የሚያስፈልገን ነገር ቢኖር ይህንን እኩይ አገዛዝ ለመጣል የምንሄድበት መንገድ የምንጓዝበት ስትራቴጂ አዋጪ ነው እቅዳችን አሳዛኝና አሳፋሪ ነው የምንለውን እንዴት ማስተካክል አለብን ኬዘመነ ትግል ጀምሮ ሲሰበክ የነበረው አንድ እንሁን በም አይነት መቻቻል እና ስልት ይሳካል ብሎም በዲያስፖራው ውስጥ ተቀምጠው ለሕዝብ ይተከራከሩ የሚመስሉ የሕወሓትን ራእይ የሚያሳኩ እና ተልእኮ ይዘው ለሚያናክሱ ፖለቲከኛ መሳዮች ባለመንታ ምላሶችን ከጨዋታ እጪ ማድርግ የመሳሰሉ ጉዳዮችን በተግባር የምንተረጉም ሆነ መገኘት ለጥያቄዎቻችንም መልስ ማግኘት አለብን ካልሆነ የምንሄድበት መንገድ ያሳፍራል ያሳዝናል::

ሕወሓት ኢትዮጵያን በታትኖ የራሱን አገዛዝ ለመመስረት እየተጣደፈ ይገኛል ለዚህ አላማ ስኬት ይሆነው ዘንድ በሃገር ቤትም ይሁን በውጪ ያሰማራቸው ዘረኝነትን የሚሰብኩ የሕወሓት ተቃዋሚ መስለው ኢትዮጵያን እንደ ቅኝ ገዢ ያስቀመጡ ቅልብ ዘረኞች ለለውጥ የሚደረገውን ትግል እያመሱ ነው::ሕዝቦች ለራሳቸው ነጽነት በሚታገሉበት የፖለቲካና የኢኮኖሚ ጫና አንገብግቧቸው አደባባይ በሚጮኹበት በዚህ ወቅት ላይ የሕዝብን ትግል ለጠባብነታቸው የሚጠቀሙበትን የእናት ጡት ነካሾች እቅተናል ብቻ ሳንል በተግባርም ልናስወግዳቸው ይገባል::ሕወሓት ከአነሳሱ ጀምሮ የመገንጠል ሱሱን ለማሳካት ደፋ ቀና እያለ ሲሆን የኢትዮጵያን ሉዋላዊነት ከመርህ እስከ ተግባር በመዳፈር ላይ ከመሆኑም ሌላ የበረሃ ስሙን እንኳን ሳይቀይር እስከዛሬ ሲዘልቅ ለዚሁ ግቡ ደግሞ አንዴ በኦሮሞ ሲለው በአማራ ስም የተፈለፈሉ ጠባብ ግለሰቦችን በማደራጀት የአገርና የሕዝብን ሕልውና በመጋፋት ላይ ይገኛል::ሕወሓት ክፋቱን ተንኮሉን እየቆፈረ ባለበት በዚህ ወት ክፍተት የሚፈጥሩ የቃላት ጦርነቶች ከማድረግ ይልቅ ሕወሓትን በቆፈረው ጉድጓድ ለመቅበር በጋራ መቆም ይጠይቃል ይህን ጥያቄ ከመመለስ ይልቅ የምሄድበት መንገድ ያሳዝናል ያሳፍራል::

የኦሮሞ ሕዝብን ትግል የኣማራን ሕዝብ ትግል ለማቀናጀት የተኬደበት መንገድ የኦጋዴን ሕዝብን ጥያቄ ለመተባበር የተኬደበት መንገድ የወልቃይት ጠገዴን እንዲሁም የጎንደር አከባቢን ጉዳይ ለመመለስ የተኬደበት መንገድ ሊመረመር ይገባዋል::እነማን ገብተው አደፈረሱ ከሚለው ጀምሮ በቃላት እና በወሬ እስከመቼ ይዘለቃል ብሎም የትግሉ እንቅስቃሴ እውን ዘልቆ ገብቶ የሕዝቡን የገነፈለ ቁጣ አቀናጅቶ ለግብ ይመራል ወይ ተደርጓል ወይ ካልተደረገስ.. ወዘተ የሚሉ ጉዳዮች ሊመረመሩ ይገባል::የትግሉን መንገድ ከግብ ለማድረስ የምሄድበት መንገድ በፖለቲካ ድርጅት ስር የታቀፉ አባላቶች እየታገሉበት ያለው መንገድ ሊመረመር ይገባል::አንድ ችግር በተነሳ ሰአት ወያኔ ስለ መልካም አስተዳደር እንደሚያላዝነው የለውጥ ሃይሉም ችግሩ እስኪቀዘቅዝ በአንድ እንሁን ሰበብ ከሚፋተግ ዘላጊ መፍትሄ እና በመከባበር በመቻቻል መንፈስ ላይ የተመረኮዘ መፍትሄ ሊያበጅ ይገባል::ካልሆነ አሁን የተያዘው መንገድ ያሳፍራል ያሳዝናል::‪#‎ምንሊክሳልሳዊ‬

«የሚቆርጡንን የምንነክስበት ጊዜ ላይ ደርሰናል !!! » የእርስ በእርስ የጅምላ ፍረጃ ይቁም።ኪሳራው ከባድ ነው።

Image may contain: text and food

«የሚቆርጡንን የምንነክስበት ጊዜ ላይ ደርሰናል !!! » የእርስ በእርስ የጅምላ ፍረጃ ይቁም።ኪሳራው ከባድ ነው።

ሕወሓትን ከመታገል ይልቅ የጽንፍ ፖለቲካ ይዞ መላፋት ያሳፍራል። የትግሉ እውነታዎች እንደተጠበቁ ሆነው የትግል ሻሞ ያለ ይመስል ላም ባልዋለበት ኩበት መልቀምም ያሳፍራል።ኣደርባይነት ኣስመሳይነት እጅግ ኣደገኛ ነው። የእርስ በርስ መኮራኮም የጅምላ ፍረጃ ከሕዝብ ልብ የሚፈልቀውን ተኣማኒነት ያሳጣል።

 የወያኔ ውሸት ስልችት ብሎን ባሌበት ጊዜ የቅፈላ ፖለቲካ የሚከተሉ የለውጥ ሃይሎች ጎታችነታቸውን ገትተው የመቻቻል የመከባበርና የመደማመጥ ፖለቲካ ኣካል ሊሆኑ ይገባል። ለውጥ የሚፈልጉ ሕዝቦች በተነሱ ሰዓት ሁሉ ኣበረታቹን ተበረታቹን የምንፈርጅ ከሆነ ኣደጋ ኣለው። ያውም ከባድ ኣደጋ።

ትግል ምንም ጊዜ የሚፈልገው መቻቻልና መደማመጥ ሲሆን ፍረጃ ቅፈላ እና የውሸት ፖለቲካ ያልበሰሉ ካድሬዎች ጩኸት ስኬቱን ያኮላሸዋል፤ ዛሬ ላይ እኛ ብቻ እናውቅልሃለን ብለው ለሚናገሩ ሰዎች ደጋፊ የሆኑ ነገ ላይ ጠያቂ ሆነው መታለላቸውን መረዳታቸው ኣይቀርም።እውነት ቀኗን ጠብቃ ነጻ ትወጣለች።በግራ በቀኝም በመሃልም የቆማጩ የለውጥ ሃይሎች ከመፈራረጅና ከልፊያ ፖለቲካ ወጥታቹ ኪሳራቹን በማስላት ወደ ሕዝባዊ የጋራ ትግል ተሰባሰቡ። #MinilikSalsawi