የበሰበሰውን ስርአት ለማስወገድ የእያንዳንዱ ኢትዮጵያዊ ጉልህ ድርሻ ይጠይቃል::

Minilik Salsawi (ምንሊክ ሳልሳዊ) :- እኛ የኢትዮጵያ ሕዝቦች ነጻነት ተጠምተናል::...ፍትህን ናፍቆናል::..ሰላማችን ደፍርሷል::...ብደረድራቸው ሊያልቁ የማይችሉ እና በምናውቃቸው የጭቆና ሰቆቃ ውስጥ እየተንገሸገሽን ነው::ይህ ደግሞ ሁሉ ሰቆቃ ፈጣሪው እና ድርጊቱን የሚፈጽመው በስልጣን ላይ ያለው ቡድናዊ አምባገነን መንግስት ነኝ የሚለው የማፊያ ቡድን መሆኑ የሚካድ አይደለም::ይህ ቡድናዊ አምባገነን በዲሞክራሲ ሽፋን በወረቀት ሕጎች ከለላ በኢትዮጵያውያን ላይ ከፍተኛ የሆነ የአካል እና የስነልቦና ጉዳይ በማድረስ ላይ ይገኛል::የውስጥ ችግሮቹ በፈሉ ሰአት ሁሉ መበስበሱ እያገጠጠ ሲወጣ የዜጎችን መብት እና ነጻነት በመግፈፍ ከባድ ሽብር እና ወንጀል በመፈጸም ላይ ስለሚገኝ ይህንን የበሰበሰ ስርአት ለአንዴ እና ለመጨረሻ ጊዜ ገርሥኦ ለመጣል የእያንዳንዳችን ጉልህ ድርሻ ይጠበቅብናል::

ሕዝቦች ትክክለና ፍትህ እና ነጻነት እስካላገኙ ድረስ አንድ ሃገር ሰላም ሊኖረው ስለማይችል የተነጠቀ መብቱን ለማስመለስ ማንነውም ዜጋ ቢታገል ፍትሃዊ መሆኑ ይታወቃል::እያንዳንዳችን ኢትዮጵያውያን ለመብታችን እና ለነጻነታችን የምናደርገው ትግል በሙሉ የሌላውን መብት እስካልነካን ድረስ ፍትሃዊ መሆኑ ሃቅ ነው::ፍትሃዊ ትግል ሕዝቦች ከጨቋኝ አገዛዝ ነጻ ወጥተው ፍትህን እና ነጻነት በማረጋገጥ የሃገር ሰላም የሚያሰፍኑበት ስልት ነው:: እኛም ኢትዮጵያዊያን የበሰበሰውን የወያኔን ስርአት ለመጣል የምናደርገው ትግል ፍትሃዊ መሆኑ የአደባባይ እውነት ነው::ይህ ቡድናዊ የወያኔ አምባገነን የማፍያ ጁንታ እስካልወደቀ ድረስ በኢትዮጵያ ውስጥ ሰላም ዲሞክራሲ ፍትህ እና ነጻነት ይገኛል ማለት ዘበት ነው::

ይህ ውስጡ በስብሶ በፕሮፓጋንዳ ብቻ እየኖረ የሚገኘው የወያኔ ስርአት ለመጣል እያንዳንዳችን ለሃገራችን እና ለኛነታን ነጻ መውጣት ያበረከትነውን አስታውጾ ራሳችንን ልንጠይቅ የሚገባን ወቅት ላይ መሆናችንንን አውቀን ለሃገሬ እና ለወገኔ እንዲሁም ለራሴ መብት እና ነጻነት መከበር ምን ሚና አለብኝ? ምን ተወጣሁ? ምን ይጠበቅብኛል? ወዘተ የሚሉ ተመሳሳይ ጥያቄዎችን ለራሳችን ጠይቀን ራሳችን ተግባራዊ እና አርኪ ምላሽ ልንሰጥበት ይገባል::ይህን ጊዜ የበሰበሰውን ስራት ለመጣል እንደ አንድ ኢትዮጵያዊ ድርሻችንን እንረዳዋለን::በተገቢው የትግል ስልት ሁሉ የድርሻንን መወጣት ከቻልን ለፍትሃዊ ትግል ስኬት እና ለነጻነትና ለፍትህ ታላቅነት መረጋገጥ የዜግነት ግዴታችንን እንወጣ::በበሰበሰ ነገር ውስጥ መኖር ይብቃን::ጊዜው የለውጥ መሆኑን አንዘንጋ::‪#‎ምንሊክሳልሳዊ‬

የፖለቲካ ጫና እና የኢኮኖሚ ድቀት አብዮቱን ማፈንዳቱ አይቀርም።

Minilik Salsawi (ምንሊክ ሳልሳዊ) :-ኢትዮጵያ ሃገራችን በተረገሙ ሰይጣኖች የሕወሓት ባለስልጣናት አጅ ከገባችበት ጊዜ አንስቶ ኢትዮጵያውያን በሃገራችን ባዳዎች በመሆን በፖለቲካ ጫና እና በኢኮኖሚ ድቀት አየተንገላታን አንገኛለን። ከግድያ አስከ አስር የሚደርሱ ኣንድ መንግስት በዜጎቹ ላይ የማይፈጽመው መንግስታዊ ሽብር አየተፈጸመብን ከመሆኑም ባሻገር በአሸባሪነት ታርጋ ከፖለቲካ መሪዎች እስከ ሃይማኖት መሪዎች ከጋዜጠኞች አስከ ጦማርያን ድረስ በማወቅ ይሁን ባለማወቅ ብሶት ኣደባባይ ያሰለፈቻው ሰብአዊ መብት የሚያንገበግባቸው ወዘተ ዜጎች ታስረዋል ተሰደዋል ይህም እድገት ኣሳይቶ በኣደባባይ ተገድለዋል። 

የፖለቲካ ጫናው የወለደው መጭበርበር የፈጠረው የኢኮኖሚ ድቀት በዜጎች ሕይወት ላይ የማይሽር ጠባሳ ትቶ እያለፈ ነው።ሕዝቡ በዕለት ኑሮው የሚያጋጥመውን አንገብጋቢና ጊዜ የማይሰጥ ችግር በገሃድ ኣግጥጦ እየታየ ዝምታን በመምረጥ የግል ኪስን ብቻ ለመሙላት ባለስልጣናት በዘረፋ ላይ ተሰማርተው ጥቂት የደለቡ ቱጃሮች ሲፈጠሩ በርካቶች ለድህነት ተዳርገዋል።ጥራቱን ባልጠበቀ ብልጭልጭ ነገር ልማት በሚል ሽፋን ሕዝብ ለማታለል መሞከር ወንዝ አንደማያሻግር ሕዝቡ መንቃቱን በግልጽ አየተናገረ ነው።የሃገሪቱ የውጪ ምንዛሪ ከመዘረፉም በላይ የተረፈዉን ምንዛሬ በሕዝብ መሰረታዊ ፍጆታ ለማስመጣት ከማዋል ይልቅ እንደ መጠጥ እና ሲጋራ የመሳሰሉ ትውልድ ገዳይ ሸቀጦችን በማስገባት በኢኮኖሚ ድቀቱ ላይ የማህበራዊ ቀውስ በመፍጠር በበደል ላይ በደል የከሳው መግደል የሚል አኩይ ድርጊት ሕዝብ ላይ አየተፈጸመ ነው።

ስርአቱ ለየመስሪያ ቤቱ የሚመድበውን በጀት ለብዝበዛ በሚመቸው መልኩ ኣላስፈላጊ ግዢዎችን በማድረግ ከልክ በላይ የሕዝብን ገንዘብ በማባከን እንዲሁም ከሃገር ውስጥ ባለሃብቶች መግዛት የሚቻለውን ለዘረፋ በሚመች መልኩ የውጪ ምንዛሪ በማሸጋገር ወጣቱ በሃገሩ ስርቶ አንዳይኖር የስራ ኣጥነት እንዲሰራፋ በማድረግ በሃገሪቱ ላይ ታይቶ በማይታወቅ መልኩ ከፍተኛ ድህነት እንዲፈጠር ተደርጓል።በሃገራችን ላይ አየተፈጸመ ያለው ከባድ መንግስታዊ ሽብር ደባ የፖለቲካ ጫና እና የኢኮኖሚ ድቀት አብዮቱን ማፈንዳቱ አይቀርም።የኢትዮጵያ ሕዝብ ለውጥ ይፈልጋል ለውጡ ሊመጣ የሚችለው በሕዝባዊ እምቢተኝነት እና ኣመጽ መሆኑ እውን የሆነበት ወቅት ላይ ስለሆን እያንዳንዳችን ለነጻነታችን መረጋገጥ በኣንድነት ልንተም ይገባል።