ሕወሓት አስተምሮ ያደራጀቸውን የዲያስፖራ ዘረኞችን ድብቅ ሴራ ልናከሽፍ ይገባል::ጠባቦችንና ከፋፋዮችን ዝም ልናሰኛቸው ይገባል::‪


Minilik Salsawi's photo.
Minilik Salsawi (ምንሊክ ሳልሳዊ) የአዲስ አበባን ማስተር ፕላን ተከትሎ በኢትዮጵያ የኦሮሚያ ክፍለሃገር ውስጥ በተለያዩ አከባቢዎች የተከሰቱ የሕዝብ እንቅስቃሴዎችን እንዲሁም ከዚሁ መስመር ጋር በተያያዘ የመልካም አስተዳደር የፍትሕ ዪኮኖሚ እና መሰል ጉዳዮች ብሶት ዛረ ድረስ ቀጥሎ ይገኛል::ይህንን የሕዝብ ብሶት ለራሳቸው የፖለቲካ አጀንዳ ለመጠቀም ከሕወሓት ጀምሮ እስከ ዲያስፖራ ፖለቲከኞች ድረስ የማይቧጠጥ ሲቧጥጡ ያልበላቸውን ሲያኩ እያየን ነው::ፖለቲካው ሴራው እና ስሪያው ግቡ እና ሂደቱ ያልገባቸው ጥሬ አሸርጋጆችም በያሉበት ሆያሆዬውን ተያይዘውታል::እርግጥ አንድ ነገር ማወቅ አለበን በየማህበራዊ ድህረገጽ የሚቦተለከው እና መሬት ላይ ያለው ሕዝባዊ ሃቅ እጅግ የተለያየ እና የማይገናኝ ነው::ሕወሓት የምቃወመው ዘረኞች ሌላውን በጠላትነት ሲፈርጁ ዝም ለማለትና ሃገር እንዲበታተን ሕዝብ እንዲተላለቅ አይደለም::

በአንድነት ስም ያልበሰለ ፖለቲካ ማራመድ በሁለት ቋንቋ ሁለት የማይመሰሰሉ የፖለቲካ ማጭበርበሮች አይጥሙኝም::ዝም በሉ አትንኳቸው የሚባል ነገር ተቀባይነት የለውም::የኦሮሞ ሕዝብን ተቃውሞ ተገን አድርገው አፍራሽ ተልእኮ በማነገት በሃገር ቤት ያለውን ወጣት በዘረኝነት መርዝ እየበከሉ የሚገኙ የዲያስፖራው ዘረኞች በነማን እና እንዴት እንደተፈበረኩ ከዚህ ቀደም በተደጋጋሚ ተናግሬዋለሁ::በሕወሓት ድጋፍ በየኤምባሲወ ተወሽቀው ሲኖሩ ከርመው ሕወሓት ለአላማው ስኬት በየሚዲያው የበተናቸውን ከፋፋዮች ልንዋጋ ይገባል::ከ40 አመት በፊት የፓን አፍሪካኒzም እንቅስቃሴ ተገን በማድረግ የኦሮሞ አገር አቋቁማለው ብሎ የተነሳው ኦነግ ሳይሳከለት መበታተኑ ቢታወቅም ይህንን ያደረጉ ፖለቲከኞች የፓን አፍሪካኒዝም ጊዜው ስላለፈበት በኢኩልነት እና በአንድነት በተመሰረተ አገር ላይ መኖር ይበጃል የሚል አዲስ እና የዘመነ አስተሳሰብ ይዘው ቢመጡም ይህ ያልጣመው ሕወሓት ያደራጃቸውን ወጣቶችን በተለያዩ ዘዴዎች ወደ ዲያስፖራው በማስገባት ዘረኝነቱን እና አገር የመበታተኑን ሴራ ለማሳካት ደፋ ቀና እያለ ነው::ዲሞክራሲያዊት ኢትዮጵያን መስርቶ ዜጎች እኩል የሚኖሩባት አገር ከመመስረት ይልቅ በሁለት ቢላዋ የሚኖሩ ዘረኞች እየፈሉ መተዋል::

በሁለት ቋንቋ ተጠቅመው ሕዝብን ለማታለል እና ለማሸበር የሚሞክሩ እንዲሁም ኢትዮጵያውያን በመላው አገሪቱ ተዝኣዙረው ሰርተው እንዳይኖሩ ኦሮሚያ ለኦሮሞ አማራ ለአማራ ትግራይ ለትግሬ ወዘተ የሚሉ እኩይ ፖለቲከኞች አላማቸው ሕዝብን በመከፋፈል እና በማጋጨት የፖለቲካ ግባቸውን ሃገር መበጣጠስ መሆኑ እሙን ነው::ይህ የዘረኝነት መርዝ የታጠቁ እና የጎሳ ፖለቲካ ሹምባሾች ከሕወሓት በላይ ሕወሓቶች መሆናቸውን ልናውቅ ይገባል:: አንዳንድ የለውጥ ሃይሎች የሚከተሉትን የጅል ፖለቲካ ወደ ብልሃት ሊለውጡት እና ሊነቁ ይገባል::በጎሳ ፖለቲካ በተመሰረተ አገር ዜጎች ሊሸማቀቁ አይገባም::በአሁን ወቅት ዜጎች ተዘዋውረው እንዳይሰሩ ከመደረጉ በላይ በገዛ እገራቸው እንደ ባይተዋር እንዲሸማቀቁ እየተደረገ መሆኑን ይታወቃል ይህ ደገሞ ነገ ዘረኞቹ ሊገነጣጥሏት ያሰቧትን አገራችንን ሕዝብን ለባርነት እያዘጋጁት ነው::አቋም የሌላቸው በዲያስፖራው ውስጥ የተሰገሰጉ እና በዘረኝነት ላይ ተመስርተው ባፈጀና ባረጀ አስተሳሰብ ተጀቡነው ያልሰለጠነ ፖለቲካ የሚያራምዱ በሕወሓት የተደራጁ ጎጠኛና ጠባቦች ትምክህተኛና ጦረኞችኝ ድብቅ ሴራቸውን ልናከሽፍ ይገባል::የሕዝቦችን የነጻነት ጥያቄ መልስ እንዳያገኝ ድብቅ ሴረኞችን ቦታ በመስጠት ታሪካዊ ግድፈት እየፈጸምን ነው::ልንነቃ ይገባል ::ሕወሓት ታላቋን ትግራይን ለመመስረት እና ሌላውን ከጀርባ ሆኖ እርስ በእርስ ለማባላት ያቀደውን ሴራ ልናውቅ ይገባል ለዚህም ያዘጋጃቸው ዘረኞችን ድብቅ ሴራ ልናከሽፍ ይገባል:: ‪#‎ምንሊክሳልሳዊ‬
 
 

የምንሄድበት መንገድ ያሳፍራል ያሳዝናል!!! የሕወሓት ቅልብ ዘረኞች ለለውጥ የሚደረገውን ትግል እያመሱ ነው::(ምንሊክ ሳልሳዊ)

የምንሄድበት መንገድ ያሳፍራል ያሳዝናል!!! የሕወሓት ቅልብ ዘረኞች ለለውጥ የሚደረገውን ትግል እያመሱ ነው::
‪#‎Ethiopia‬ ‪#‎Oromoprotests‬ ‪#‎EthiopianOppositionParties‬ ‪#‎MinilikSalsawi‬ ‪#‎EPRDF‬

Minilik Salsawi (ምንሊክ ሳልሳዊ) ሕወሓት የሚዘውረው የሚመራው አገዛዝ ይህን አደረገ ይህን አደረገ ዘረፈ ሰቀለ ገለፈ አሰረ ገደለ አሳደደ ወዘተ የሚሉ እኩይ ተግባራቱ ብንዘረዝረው አያልቅም ከዚህ ይልቅ አሁን የሚያስፈልገን ነገር ቢኖር ይህንን እኩይ አገዛዝ ለመጣል የምንሄድበት መንገድ የምንጓዝበት ስትራቴጂ አዋጪ ነው እቅዳችን አሳዛኝና አሳፋሪ ነው የምንለውን እንዴት ማስተካክል አለብን ኬዘመነ ትግል ጀምሮ ሲሰበክ የነበረው አንድ እንሁን በም አይነት መቻቻል እና ስልት ይሳካል ብሎም በዲያስፖራው ውስጥ ተቀምጠው ለሕዝብ ይተከራከሩ የሚመስሉ የሕወሓትን ራእይ የሚያሳኩ እና ተልእኮ ይዘው ለሚያናክሱ ፖለቲከኛ መሳዮች ባለመንታ ምላሶችን ከጨዋታ እጪ ማድርግ የመሳሰሉ ጉዳዮችን በተግባር የምንተረጉም ሆነ መገኘት ለጥያቄዎቻችንም መልስ ማግኘት አለብን ካልሆነ የምንሄድበት መንገድ ያሳፍራል ያሳዝናል::

ሕወሓት ኢትዮጵያን በታትኖ የራሱን አገዛዝ ለመመስረት እየተጣደፈ ይገኛል ለዚህ አላማ ስኬት ይሆነው ዘንድ በሃገር ቤትም ይሁን በውጪ ያሰማራቸው ዘረኝነትን የሚሰብኩ የሕወሓት ተቃዋሚ መስለው ኢትዮጵያን እንደ ቅኝ ገዢ ያስቀመጡ ቅልብ ዘረኞች ለለውጥ የሚደረገውን ትግል እያመሱ ነው::ሕዝቦች ለራሳቸው ነጽነት በሚታገሉበት የፖለቲካና የኢኮኖሚ ጫና አንገብግቧቸው አደባባይ በሚጮኹበት በዚህ ወቅት ላይ የሕዝብን ትግል ለጠባብነታቸው የሚጠቀሙበትን የእናት ጡት ነካሾች እቅተናል ብቻ ሳንል በተግባርም ልናስወግዳቸው ይገባል::ሕወሓት ከአነሳሱ ጀምሮ የመገንጠል ሱሱን ለማሳካት ደፋ ቀና እያለ ሲሆን የኢትዮጵያን ሉዋላዊነት ከመርህ እስከ ተግባር በመዳፈር ላይ ከመሆኑም ሌላ የበረሃ ስሙን እንኳን ሳይቀይር እስከዛሬ ሲዘልቅ ለዚሁ ግቡ ደግሞ አንዴ በኦሮሞ ሲለው በአማራ ስም የተፈለፈሉ ጠባብ ግለሰቦችን በማደራጀት የአገርና የሕዝብን ሕልውና በመጋፋት ላይ ይገኛል::ሕወሓት ክፋቱን ተንኮሉን እየቆፈረ ባለበት በዚህ ወት ክፍተት የሚፈጥሩ የቃላት ጦርነቶች ከማድረግ ይልቅ ሕወሓትን በቆፈረው ጉድጓድ ለመቅበር በጋራ መቆም ይጠይቃል ይህን ጥያቄ ከመመለስ ይልቅ የምሄድበት መንገድ ያሳዝናል ያሳፍራል::

የኦሮሞ ሕዝብን ትግል ለማቀናጀት የተኬደበት መንገድ የኦጋዴን ሕዝብን ጥያቄ ለመተባበር የተኬደበት መንገድ የወልቃይት ጠገዴን እንዲሁም የጎንደር አከባቢን ጉዳይ ለመመለስ የተኬደበት መንገድ ሊመረመር ይገባዋል::እነማን ገብተው አደፈረሱ ከሚለው ጀምሮ በቃላት እና በወሬ እስከመቼ ይዘለቃል ብሎም የትግሉ እንቅስቃሴ እውን ዘልቆ ገብቶ የሕዝቡን የገነፈለ ቁጣ አቀናጅቶ ለግብ ይመራል ወይ ተደርጓል ወይ ካልተደረገስ.. ወዘተ የሚሉ ጉዳዮች ሊመረመሩ ይገባል::የትግሉን መንገድ ከግብ ለማድረስ የምሄድበት መንገድ በፖለቲካ ድርጅት ስር የታቀፉ አባላቶች እየታገሉበት ያለው መንገድ ሊመረመር ይገባል::አንድ ችግር በተነሳ ሰአት ወያኔ ስለ መልካም አስተዳደር እንደሚያላዝነው የለውጥ ሃይሉም ችግሩ እስኪቀዘቅዝ በአንድ እንሁን ሰበብ ከሚፋተግ ዘላጊ መፍትሄ እና በመከባበር በመቻቻል መንፈስ ላይ የተመረኮዘ መፍትሄ ሊያበጅ ይገባል::ካልሆነ አሁን የተያዘው መንገድ ያሳፍራል ያሳዝናል::‪#‎ምንሊክሳልሳዊ‬