የሕወሓት እባቦች ዛሬም ለመከፋፈል ኣሰፍስፈዋል። ዘረኞች ያዩት የሰሙት ሁሉ ዘረኛ ይመስላቸዋል።

Minilik Salsawi (ምንሊክ ሳልሳዊ) የኣማራና የሌሎች ሕዝቦችን ጥያቄ ለማኮላሸት ከኦነግና ኣስተባባሪዎቹ ጋር መደራደር ያስፈልጋል የሚል ፉጨት የሴራ ፕሮፖዛል ሹሩባ ከሚጎነጉኑ ኣስመሳይ ከሕወሓት ካድሬዎች ተጀምሯል። የኢትዮጵያ ሕዝብ የሕወሓት የበላይነት በቃ በማለት የበይ ተመልካች ሆኜ በድህነት መኖር ኣልሻም ሲል ኣደባባይ በመውጣት ብሶቱን እያሰማ ይገኛል፥ የኦሮሞ ሕዝብ የጀመረው ሕዝባዊ ንቅናቄ ቀጥሎ ኣማራው ክልል በመድረስ ሕዝቦች በኣንድነት በጋራ ለመታገል ወንድማማችነታቸውን ለማጠንከር እጅ ለእግ በመያያዝ የጋራ ጠላታቸው ወያኔን ለማጥፋት ቆርጠው ተነስተዋል። የኦሮሞ ሕዝብ ኣገዛዙን ሲቃወም ኣማራ ሕዝብ ስር ሲወሸቅ የኣማራው ሕዝብ ሆ ብሎ ሲወጣነት ኦሮሞው ሕዝብ ስር የሚወሸቅ የነበረው ሕወሓት በጎጥ እየከፋፈለ ለመግዛት ያለመው እቅድ ስለተነቃበት ኣደገኛ ድንጋጤና አጣብቂኝ ውስጥ ገብቷል።

በኦሮሚያ ክልል የተነሳውን ተቃውሞ ተከትሎ ብአዴን የሚሉትን ጀሌውን ይዞ የኦሮሞን ሕዝብ ተቃውሞ ለመጨፍለቅ ያደረገው ሩጫ በሽንፈት የተጠናቀቀበት ሕወሓት ሽንፈቱን ውጦ ሳይጨርስ የኣማራው ሕዝብ ሕወሓትን ቅንድቡን ብሎት ቀልቡን ገፎታል።ይህን ተከትሎ የሕወሓት ካድሬዎችና አቀንቃኞች ኣንድ ጊዜ ፌዴሬሽኑ ፈርሶ ኮንፌዴሬሽን ይመስረት ሌላ ጊዜ ኣማራው ትጥቅ ይፍታ ደጉ ኣንዳርጋቸው ይደምሰስ ሲላቸው ደግሞ ከነኣለቆቻቸው በድርድር ስም እና በሃይማኖት እበቶች በኩል የሕዝብን ትግል ለማኮላሸት ደፋ ቀና እያሉ ይገኛሉ።

ሕወሓትን ማመን ቀብሮ ነው ሕወሓት ድርድር ስትል ስኳር የሆነ ቅድመ ሁኔታ ስታቀርብ የተንኮል ጉድጓድ እየማሰች እንደሆነ በኣንክሮ ልናውቅ ይገባል፤ የኣማራና የሌሎች ሕዝቦችን ጥያቄ ለማኮላሸት ከኦነግና ኣስተባባሪዎቹ ጋር መደራደር ያስፈልጋል የሚል ፉጨት ከሕወሓት ካድሬዎች ተጀምሯል። በኦሮሚያ ውስጥ ያለው ችግር አሁኑኑ ዘላቂና አቃፊ መፍትሔ ይፈለግለት፤ የሚሉት የሕወሓት አቀንቃኞችና ካድሬዎች የኦሮሞን ሕዝብ ዝም ኣለማሰኘታችን በዘረጋነው የጎጥ ፖለቲካ ላይ ትልቅ ችግር ስለፈጠርን ኣደጋ ሆንኦብናል የኦሮሞን ሕዝብ በድርድር እና በተለያዩ ሰበቦች ዝም ማሰኘት ከቻንል በኦሮሞ ሕዝብ ስር ተወሽቀን ሌላውን ሕዝብ ለመምታት ይቻለናል በሚል የወረደ አስተሳሰብ ይዘው ተሰይመዋል።

ድርድር የሚጠላ ሰላም የሚገኝበትን መንገድና መፍትሄ የሚቃወም ምንም ሃይል የለም። በሕወሓት ቤት ግን ድርድር ውይይት የሚሉ ብልሃቶች ጊዜ መግዣ ጠላትን ለይቶ መምቻና ተቃውሞን ማጥፊያ ተስፋ ማስቆረጫ መሆናቸው ያለፉ ተደጋጋሚ ሂደቶች በግልጽ ይመሰክራሉ። ኣሸባሪና ጸረ ሰላም ጸረ ሕዝብ ናቸው ብሎ ከፈረጃቸው ጋር ለመደራደር መዘጋጀቱ ሕወሓት በሕዝቡ የተፈጠረበትን ጫና ያሳያል።ዘላቂ መፍትሄ ሊሆን የሚችለው የኣንዱን ድምጽ ኣግልሎ የኣንዱን ድምጽ ይዞ ሳይሆን ሁሉም የሚሳተፍበት የሽግ ግር መንግስት ሲመሰረት ቢሆንም ሕወሓት እባብ እና መሰሪ ስለሆነ ሕወሓትን ማመን ቀብሮ ነው። ባለፉት ሃያ ኣምስት ኣመታት የተጫወታቹበት የከፋፋይነት ካርዳቹህ ኣሁን ላይ በሕዝብ ስለተነቃበት ተቀባይነት የለውም።‪#‎ምንሊክሳልሳዊ‬

በአልሸባብ በጸረ ሰላም ሃይሎች እና በሻእቢያ ስም ሽፋን ፍንዳታዎችና ዘረፋዎች ሊፈጸሙ ነው ።

Image may contain: 1 person , textMinilik Salsawi (ምንሊክ ሳልሳዊ) የኢጋድ መረጃ ነው በሚል ሽፋን ሕዝብንና ምእራባውያንን ለማታለል የወቅቱ የኢጋድ ሊቀመንበር የኢጋድ ማህተምና ኣስፈላጊ የኢጋድ መብቶች በእጁ የሚገኘው ሕወሓት እየበሰበሰ በመፍረክረክ ላይ የሚገኘው የሕወሓት ስርአት በመላው ሃገሪቱ ከፍተኛ ፍንዳታዎች እና ዘረፋዎችን ለመፈጸም ማቀዱን ከደህንነት አካላት የተገኙ ምንጮች ጠቁመዋል፥፥ይህ ፍንዳታ እና ዘረፋ አልሸባብ እያለ ራሱ የሚጠራውን ድርጅት ላይ ለማላከክ እና አልሸባብን ለመወንጀል ዝግጅቱ የተጠናቀቀ ሲሆን ከፍተኛ ፍንዳታዎች ይካሄዳሉ የተባለው በስፋት በመሃል ሃገር በገጠር መንገዶች ትራንስፖርቶች እንዲሁም በክልል ከተሞች መሆኑ ተጠቁሟል፤ያለውን የተኩስ ግለትና የፖለቲካ ጡዘት አየሮች እየተከተለ በወያኔ ቅጥረኞች እንደሚፈጸምም ታውቋል።
እንዲሁም በከፍተኛ የገንዘብ ተቋማት የመንግስት መስሪያ ቤቶች የግል ድርጅቶች እና የባለሃብቶችን ገንዘብ ለመዝረፍ መታቀዱን እነዚሁ የደህነት አካላት የተናገሩ ሲሆን ለዚሁ ጉዳይ የተደራጀ አካል ከሕወሓቶች እየተዘጋጀ መሆኑን ምንጮቹ አክለው ገልጸዋል፤ የህዝብ ንቅናቄ ጥርስ ውስጥ የገባው ወያኔ በምእራባውያን ሳይቀር ስልጣኑን እንዲልቅ ቢፈለግም አንቆ የያዝው ሲሆን ስልጣን ብንለቅ መጪው መንግስት ከገባንበት ቆፍሮ ያወጣናል የሚል ፍራቻ እንዲሁም የህዝብ ንቅናቄ ከፍተኛ ውጥረት ፈጥሮበት ወያኔ አጣብቂኝ ውስጥ የከተተው ሲሆን በህዝብ ሃይል እንደሚወገድ ኢትዮጵያውያ ብቻ ሳይሆኑ የውጪ ሃይሎችን ያመኑበት ጉዳይ መሆኑን ይታወቃል።
ከአልሸባብ ጋር ባለው ጉልህ ቁርኝት አገሪቷን የማመስ እቅድ እንዳለው በሚሰሙበት ወቅት ላይ የድንበር አከባቢዎች የሚሊሻዎችን ግጭት ተከትሎ ከፍተኛ የሆነ ጦርነት ከኤርትራ ጋር በድንበር አከባቢዎች ማንዣበቡን በገሃድ እየታየ ነው፤ ሰራዊቱን ጨምሮ በደህንነቱ እና በተለያዩ የመዋቅር ተቋማት ውስጥ ያሉ ኢትዮጵያውያን በዘረኛው የወያኔ አገዛዝ እንደተንገሸገሹ እና የሚፈልጉት አስተማማኝ የሆነ ወያኔን ሊጥል የሚችል ሃይል ስለሆነ ካለምንም ማመንታት የህዝብን ንቅናቄ የሚያመጣውን የውድቀት ውጤት እንደሚቀበሉት ከድርጅቱ ውስጣዊ ውጥረት የተረጋገጠ ሃቅ ነው። ‪#‎ምንሊክሳልሳዊ‬ More Info - http://www.mereja.com/amharic/509458

ህወሃት ግድያ እንዲያቆም ከጌቶቹ ጥብቅ ማሳሰቢያ ተሰጠው * “ብልጡን ባለ ራዕይ መሪ” ክፉኛ ናፍቋል!

ወልቃይትን ለባለቤቱ ህዝብ ለመመለስ ህወሃት እየመከረ ነው
ህወሃት ግድያ እንዲያቆም ከጌቶቹ ጥብቅ ማሳሰቢያ ተሰጠው በጎልጉል የድረገጽ ጋዜጣ®
ethiopia police soilders
* “ብልጡን ባለ ራዕይ መሪ” ክፉኛ ናፍቋል!
የትግራይ ነጻ አውጪ ግንባር /ህወሃት/ አመራሮች ሰላማዊ ተቃዋሚዎችን ከመግደልና ከማስገደል እንዲታቀቡ ታዘዋል። ግድያው የሚቀጥል ከሆነ ከወትሮው በተለየ ርምጃ እንደሚወሰድ ተነግሯቸዋል። “ወልቃይትን ለባለቤቱ ህዝብ ብንመልስ ይሻላል” በሚሉና “አንመልስም” ሲሉ በሚቃወሙ መካከል ክርክር የጀመረው ህወሃት ስምምነት ሊደርስ አልቻለም። ሁኔታው መለስን ከመቃብር ቀስቅሷል።
አባይ ጸሃዬ፣ ሳሞራ የኑስና ሌሎች ባለስልጣናት አሜሪካ እንደነበሩ ለጎልጉል ጠቁመው የነበሩት የመረጃው ምንጮች እንዳሉት ባለስልጣናቱ ግድያ እንዲያስቆሙ የተሰጣቸውን ትዕዛዝ ተቀብለዋል። በአማራ ክልል የተነሳው ተቃውሞ ያሳሰበው ህወሃት በተመሳሳይ አሜሪካ ተቃዋሚ ፓርቲዎች ወደ ሰላማዊ ድርድር እንዲመጡ ጫና እንድታደርግ ጠይቀዋል። ለዚህም ይመስላል በአሜሪካ በኩል የተቀናቃኝ ድርጅት መሪዎችን በተናጠል ማነጋገር ተጀምሯል።
tplf military agaziህወሃት በግድያው ከገፋበት ከአሜሪካ በኩል የሚሰጠው ምላሽ እንደ ወትሮው በኤምባሲ ወይም በህዝብ ግንኙነት በኩል እንደተለመደው “ጉዳዩ አሳስቦናል” የሚል ተራ መግለጫ እንደማይሆን ማረጋገጫ መሰጠቱን ጎልጉል የሚያምናቸው የዲፕሎማት ምንጮች ከአሜሪካ ተናግረዋል። እንድ መረጃ አቅራቢዎቹ ቀጣዩ የአሜሪካ አቋም በውጭ ጉዳይ መ/ቤቱ (ስቴት ዲፓርትመንት) ዋና ኃላፊ ወይም ከፕሬዚዳንቱ ጽ/ቤት (ኋይት ሃውስ) በኩል የሚተላለፍ እንደሚሆን ይጠበቃል። ባለፉት ሳምንታት ግማሽ ያህል የህወሃት ባለስልጣናት አሜሪካ ደርሰው መመለሳቸውን ለስርዓቱ ቅርብ የሆኑ ሌላ ዜናን ለማስተባበል ሲሞክሩ ሳያስቡት ማረጋገጫ ሰጥተዋል።
በሌላ ዜና በህወሃት ውስጥ “ወልቃይትን መመለስ አማራጭ የሌለው መፍትሄ ነው” በሚሉና “ሊመለስ አይገባም” በሚል የሃሳብ ልዩነት መፈጠሩ ታውቋል። የጎልጉል የአዲስ አበባ ዘጋቢ ምንጮቹን ጠቅሶ እንዳለው በዚሁ ጉዳይ የተሰየመው የህወሃት አመራሮች ስብሰባ ለቀናት ቢወያይም ስምምነት ላይ ሊደርስ ግን አልቻለም።
“ወልቃይትን እንመልስ” ባዮቹ ወገኖች አማራ ክልል የተነሳው ተቃውሞ አስፈሪ፣ የከረረ፣ እስከወዲያኛው ለስልጣናችን የሚያሰጋ ስለሆነ ወልቃይትን መልሶ አገሪቱን ማረጋጋት የግድ ነው ይላሉ። “ወልቃይትን መመለስ የለብንም፣ እንዴት ተደርጎስ ይመለሳል? ውርደት ነው” በሚል አቋም የያዙት ደግሞ ሁለት መከራከሪያ አላቸው።
እንደ ዘጋቢያችን መረጃ ከሆነ እነዚህ ክፍሎች ሁለት ነጥቦችን በማቅረብ የተከራከሩት “አንመልስም፣ ከመለስንም መሰረተ ልማቱንና ያፈራነውን ሃብት ምን እናደርገዋለን?” በሚል ጥያቄዎች የታጀቡ ናቸው።
“ወልቃይት የኖሩት ወገኖቻቸን ሃብት አፍርተዋል። ለማን ነው ጥለውት የሚሄዱት?” የሚሉት እነዚህ ወገኖች አስፈላጊውን ሁሉ በማድረግ/ሃይል በመጠቀም በተጀመረው መንገድ መቀጠል እንዳለበት የሚመኙ ሲሆኑ፣ ምኞታቸው ካልተሳካ መሰረተ ልማቱን በሙሉማፈራረስ ሌላው የመጨረሻ ውሳኔያቸው ነው።
በዚህ ሁለት ሃሳብ የሚነታረከው የህወሃት አመራሮች ስብሰባ ይህ ዘገባ እስከተጠናቀረበት ዕለት ድረስ ከውሳኔ ላይ አልደረሰም። ይሁንና በዚህ ውሳኔ ላይ እንደ ከዳ የሚነገርለት ብአዴን አቋሙ እንዲጠየቅ አልተደረገም።
ህወሃት ለረጅም ዓመታት በተለያዩ መንገዶች ሲያፍን የቆየው የሕዝብ ዓመጽ በአገሪቱ የተለያዩ ቦታዎች መፈንዳቱ ሥርዓቱን ክፉኛ አናግቶታል፡፡ በፓርቲ ወይም በድርጅት ሳይመራ በሕዝብ እምቢተኝነት የገነፈለው ተቃውሞ በስልትና በግለት እየጠነከረ መምጣቱ ህወሃት የመግደል እርምጃ እንዲወስድና ከምዕራባዊ ጌቶቹ ጋር እንዲቃቃር እያደረገው ነው፡፡ በሥልጣን መቆየት በአንድ በኩል፤ በሌላ ደግሞ ከምዕራባውያን ጋር ስሙም መሆን የወጠረው ህወሃት ከዓቅሙ በላይ የሆነው ሕዝባዊ እምቢተኝነት ከቀን ወደ ቀን እያየለበት በንጹሃን ላይ ጥይት መተኮሱን አላቆመም፡፡
samantha powerይህ አካሄድ ህወሃትን ለክፍፍል እንደሚዳርገው ከተለያየ አቅጣጫ ይነገራል፡፡ ለዘመናት ህወሃትን ስትንከባከብ የነበረችው አሜሪካ በተወሰነ መልኩ ጉዳዩን የማክረር ሁኔታ ይታይባታል፡፡ የአሜሪካንን ፖሊሲ የማስቀየር አቅም ያላቸው ጋዜጦች ኢትዮጵያ በአናሳዎች የምትመራ ከዴሞክራሲ የራቀች አገር መሆኗን እንደ አዲስ ለፖለቲከኞቻቸው እያስተዋወቁ ነው፡፡ በተባበሩት መንግሥታት ነጻ አካል ምርመራ እንዲደረግ የተደረገውን ውሳኔ ህወሃት አልቀበልም ባለ ወቅት በመንግሥታቱ ማኅበር የአሜሪካ አምባሳደር የሆኑት ሰማንታ ፓወር ህወሃት “ነጻ ምርመራውን መቀበል አለበት” በማለት በትዊተር የከረረ መልዕክት አስተላልፈዋል፡፡
መጪው ጊዜ የከፋ እንደሚሆን የገመቱ፣ ለዘብተኛ ለመሆን የሚፈልጉና በሃብት የደለቡ የህወሃት ሰዎችና አሽከሮቻቸው “በጥገናዊ ለውጥ” ሁኔታዎች እንዲረግቡ ይፈልጋሉ፡፡ ምዕራባዊ አገራት በመቆየት ዘምነናል የሚሉና የምዕራባውያን ድጋፍ እንዳላቸው በተለያየ መልኩ የሚጠቅሱት በዚህ ውስጥ ይካተታሉ፡፡ ከእነዚህ ውስጥ ህወሃት/ኢህአዴግ ከየቦታው የሰበሰባቸውና በየአገሩ ተወካይ (አምባሳደር) አድርጎ ያስቀመጣቸው ተላላኪዎቹም ይገኙበታል፡፡ እነዚህ ክፍሎች በራሱ በህወሃት ከረከሰው ሽምግልና እስከ ዕርቅ ለመሄድ የሚጥሩትንም ይጨምራል፡፡ ብንከስርም ወልቃይትን ለባለቤቱ እንመልስ ባዮቹ የዚህ ዓላማ አራማጆች ናቸው፡፡ የነዚህ ተቃራኒዎች ማሸበርና መግደል በመቀጠል “ካልገዛን እንሞታለን” ብለው ህወሃትን ከጌቶቹ ከማቃቃር እስከ “አሜሪካ ከከፋት ጉዞ ወደ ቻይና” የሚሉ የተሰባሰቡበት ነው፡፡ የበረሃ ገድላቸውን እየጠቀሱ “ደጋፊዎቻቸው” ጠብመንጃ እንዲወለውሉ የሚቀሰቅሱና “ሪፓብሊካቸውን” በአየር ኃይል ጭምር ለመከላከል የወሰኑ በዚህ ምድብ ውስጥ ተከማችተዋል፡፡
የእነዚህና ሌሎች ኃይላት ትንቅንቅ ህወሃትን አደገኛ ፈተና ውስጥ እንደጣለው ይነገራል፡፡ አራት ዓመታት በሙት መንፈስና ሌጋሲ ሲመራ የቆየው ህወሃት/ኢህአዴግ ታዛዥነት፣ መደማመጥና “ብልጠት” ጠፍቶበት “ባለ ራዕይ መሪውን” ክፉኛ ናፍቋል፡፡

ማሳሰቢያ፤ በተለይ በስም ወይም በድርጅት ስም እስካልተጠቀሰ ድረስ በጎልጉል የድረገጽ ጋዜጣ® ላይ የሚወጡት ጽሁፎች በሙሉ የጎልጉል የድረገጽ ጋዜጣ®ንብረት ናቸው፡፡ ይህንን ጽሁፍ ለመጠቀም የሚፈልጉ ሁሉ የዚህን ጽሁፍ አስፈንጣሪ (link) ወይም የድረገጻችንን አድራሻ (http://www.goolgule.com/) አብረው መለጠፍ ከጋዜጠኛነት የሚጠበቅና ህጋዊ አሠራር መሆኑን ልናሳስብ እንወዳለን፡፡